Cul cumanzamaint da l’an scolastic 2006/2007 ho la scoula primara da S-chanf introdüt la scoula da di.
La scoula es üna pozza importanta da nos fil cotschen chi collia la scoulina fin 6evla classa.
Illa scoula da di sun integredas lecziuns a l’ur, respectivmaing lecziuns da lezchas e la maisa da mezdi (lündeschdi fin venderdi). In quistas uras vegnan ils iffaunts survaglios dad üna da nossas persunas d’instrucziun da nossa scoula primara düraunt las lecziuns da lezchas u/e düraunt la maisa da mezdi chi ho lö a la Veduta a Cinuos-chel.
Uschè haun tuot las persunas d’instrucziun adüna da chefer eir culs iffaunts dals oters s-chelins.
La scoula da di evra sias portas adüna da las 7.30 – 18.00 h.
Las lecziuns da lezchas (TII) sun gratuitas, per la survagliaunza düraunt la maisa da mezdi pejan ils genituors 5.00 fr.

.