Kopfzeile

Inhalt

Implaunts solars, directiva da valütaziun, concepziun e structura

La müdeda cuntinuanta dal clima ed il savair cha las reservas d’energia sun limitedas haun chaschuno cha’l penser da la populaziun s’ho müdo. Traunter oter es creschieu cotres l’interess generel per guadagner energia alternativa. Daspö quel temp s’haun augmantedas eir a S-chanf las dumandas per implaunts solars. Üna regulaziun clera da tels implaunts our dal punct da vista da la concepziun e da l’architectura urbana per la valütaziun tres la vschinauncha da S-chanf nun exista.

Per quist motiv creescha la vschinauncha da S-chanf cun la preschainta directiva da
valütaziun üna basa per la valütaziun futura d’implaunts solars, üna directiva chi regla lur integraziun i’l concept a l’intern dal territori abito scu eir our dadour quel. Ella serva taunt als patruns da fabrica scu eir a las autoriteds scu agüd in cas da dumandas in connex cun l’energia. La directiva pels patruns da fabrica resp. per lur incumbenzos cumpiglia models chi sun illustros cun exaimpels d’implaunts solars integros fich bain.

Aktionen

Zugehörige Objekte

Name Vorname FunktionTelefonKontakt