Applichand l'art. 13 da l'Ordinaziun chantunela davart la planisaziun dal territori (OPTGR) ho lö l'exposiziun da cooperaziun publica concernent üna revisiun parziela da la planisaziun locala da la vschinauncha da S-chanf. Per l'infurmaziun vegnan a listess temp exponieu il rapport davart la cumpatibilited ecologica e la dumanda da runcheda ch'è necessaria per quist intent.

Affer: Revisiun parziela per l'explotaziun da gera e per la deponia Bos-chetta Plauna (müdeda 2022)

Actas d’exposiziun:

• Revisiun parziela da la ledscha da fabrica (Art. 32, Zona d`explotaziun da materiel e da deposit materiel)
• Plan da zonas 1:2000, Explotaziun da gera e deponia Bos-chetta Plauna
• Plan da furmaziun generel 1:2000, Explotaziun da gera e deponia Bos-chetta Plauna
• Plan d`avertüra generel 1:2000, Explotaziun da gera e deponia Bos-chetta Plauna

Basa:

• Rapport da planisaziun e cooperaziun

Per infurmaziun:

• Rapport ecologic Müdeda dal proget 2022 scu rapport cumplementer tar il rapport ecologic 2017 Explotaziun da gera e deponia Bos-chetta Plauna (müdeda 2022) incl. agiuntas
• Dumanda da runcher

Temp d’exposiziun: dals 16.10.2025 fin als 16.11.2025 (30 dis)

Lö/urari da l’exposiziun: Chanzlia cumünela da S-chanf düraunt las ufficielas uras d’avertüra, tel. 081 851 22 90.

Propostas ed objecziuns:
Düraunt il temp d'exposiziun po minchün inoltrer in scrit e motivo propostas ed objecziuns a la suprastanza cumünela..

Infurmaziun davart l’exposiziun dal rapport ecologic
L'exposiziun ordinaria dal rapport ecologic cun la pussibilited da piglier pusiziun ho lö pü tard parallelmaing a l'exposiziun da recuors davart la planisaziun locala tenor l'art. 101 al. 1 da la ledscha davart la planisaziun dal territori per il chantun Grischun (LPTGR).

Infurmaziun davart l’exposiziun da la dumanda da runcher:
L'exposiziun ordinaria da la dumanda da runcher tenor l'art. 5 da la ledscha chantunela davart il god (LCG) cun la comunicaziun dal termin da recuors ho lö pü tard parallelmaing a l'exposiziun da recuors davart la planisaziun locala tenor l'art. 101 al. 1 da la ledscha davart la planisaziun dal territori per il chantun Grischun (LPTGR). La publicaziun correspundenta vegn a succeder al listess temp scu la publicaziun da la votaziun cumünela davart la revisiun da la planisaziun locala.

Vschinauncha da S-chanf
La suprastanza cumünela

Documainta: https://www.swisstransfer.com/d/dbd86f5f-35cd-407c-9429-81186f1cbf12